Луѓето со прекумерна тежина е помалку веројатно да побараат развод, во споредба со оние со витка фигура, покажува британско истражување...
Паровите со индивидуална тежина меѓу 45 и 90 килограми, за кои се верува дека се "во добра физичка форма", се со три пати поголема веројатност да го прекинат бракот од луѓето со повисока тежина, покажува истражувањето на сајтот Mydivorcepapers.com, помагач за изготвување на документите за развод.
Истражувањето утврдило дека од 2708 случаи 2054 или блиску 76% биле поврзани со луѓе од категоријата меѓу 45 и 90 килограми. Луѓето што тежат помеѓу 91 и 113 килограми, сочинувале 493 случаи или 18,21%, а само 143 разводни дела се иницирани од луѓе со тежина над 113 килограми, малку над 5%.
Резултатите од истражувањето покажуваат дека најсреќните луѓе јадат повеќе. Тие се поддржани од друго неодамнешно истражување, според кое 60% од луѓето качуваат килограми, кога имаат среќна врска.
Околу 62% од луѓето признаваат дека се подебели од почетокот на врската, а други 72% сметаат дека партнерот или партнерката исто качила некој килограм. Дел од причината за тоа е копирање на навиките на љубениот. 52% од анкетираните жени изјавиле дека често јадат иста количина храна како партнерот, а 56% признале дека тоа значи дека јадат многу поголеми порции од вообичаеното. Друга причина е намалувањето на физичката активност.
По почетокот на среќна врска 30% од паровите изјавиле дека нивната примарна дејност заедно била гледањето на телевизија, а 20% рекле дека исхраната заедно надвор е еден од најубавите нивни начини на трошење на слободно време. Истражувањето на сајтот Diet Chef покажа уште дека 66% од паровите веруваат дека собрале килограми заедно. Тоа ја прави врската една од најчестите причини за стекнување на килограми, победувајќи ги јадењето за утеха, недостатокот на физичка активност и одмор.
