Иако презервативите се прилично сигурно контрацепциско средство, како ниту едно друго, сепак не се 100% сигурни. Дали вам ви се има случено кондомот да ви пукне или да ви се излизга? Како се снајдовте во таквата ситуација?....

Добро измијте ги гениталиите
Доколку дојде до пукање на кондомот или него излизгување, темелно измијте ја вашата V-зона со сапун за интимно миење. Тоа може да ви помогне спермата или несаканите бактерии што порано да ги отстраните од својата кожа и да спречите нивно потенцијално влегување во вашето тело. Само внимавајте да не претерате со миењето затоа што може да се случи да ги убиете и добрите бактерии и да станете подложни на разни висруси и лоши бактерии.

Напијте се таблета за ден потоа
Доколку стравувате од несакана бременост, одете до вашиот гинеколог и замолете го да ви препише таблети. Доколу се земаат во рок од 72 часа поле секс, во речиси во 90% од случаите успеваат да спречат оплодување. Само внимавајте да не ја одложите посетата на гинеколог и таблетите да ги испиете на време.

Тестирајте се за полово преносливи болести
Ако сте во долготрајна и моногамна врска, веројатно немате потреба од тестирање, но ако се работи за секс со непознат или некој кој го знаете многу малку, задолжително направете тест на кламидија и гонореја. За да бидете сигурно дека не болувате од овие инфекции, направете уште едно тестирање после 3 месеци. Исто така тестирајте се за херпес и ХПВ.