Многу жени сонуваат за среќно семејство, но дел од браковите порано или подоцна одат кон својот крај. Сепак, научниците ги успокоиле претставничките на понежниот пол со новото истражување, според кое тие ја преживуваат разделбата полесно од мажите...

Истражувањето покажува дека жените се многу задоволни од својот живот пет години по крајот на нивниот брак, за разлика од спротивниот пол. Нивните поранешни сопружници велат дека чувството по разделбата може да се нарече повеќе "олеснување", отколку "среќа".

Според експертите причината лежи во начинот на кој двата пола се прилагодуваат на големите промени во својот живот. Професор Јанис Георгелис, директор на Центарот за истражување во областа на вработувањето на бизнис училиште во Кингстон, објасни дека наодите се докажани со практиката. Сепак, финансиските импликации за понежниот пол се помалку видливи.

Резултатите покажуваат дека жените се чувствуваат многу ослободени по крајот на несреќен брак. Во истражувањето учествувале 10 000 луѓе од Велика Британија на возраст меѓу 16 и 60 години, кои биле замолени да го оценат степенот на задоволство од животот.