Морето со подобрата половина е прекрасно искуство, но тоа не значи дека да се биде сингл на море е лошо. Во повеќето случа дури е и подобро, еве зошто...

Поопуштено
Знаеме, и во врска е опуштено, но ако на море сте одидени соло, се е полесно. Не морате да се грижите за тоа што тој ќе мисли ако одлучите да заглавите во клубот до доцна, на плажа одите кога сами ќе одлучите, а безизлезниот флерт со згоднит келнер ќе биде многу позабавен ако покрај себе немате никого кој тоа ќе го гледа под око.

Позабавно
Шетањето по плажа после вечера е романтична и прекрасна, но никако не е позабавна од прошетката на плажа со група другарки кои имаат исти цели како и вие - добро да се забавувате. Гледањето на заоѓањето на сонцето со саканиот е супер, но будењето со изгревот на сонцето и подготовките за уште едно женско излегување е многу подобро.

Авантури на сите страни
Сигурно во друштво имате барем една пријателка која е во врска и не смее да помисли на флерт со друго момче. Ако сте соло, вие немате никаков проблем. Неколки пијачки со згодното момче од плажа може да се претвори во вистинска летна авантура, а вашите зафатени пријателки можат само љубоморно да гледаат.

Никој не ви недостасува
Летувањето на кое постојано имате чувство дека би сакале да бидете во прегратките на својот сакан многу бргу станува напорно. Ви фали кога ќе се разбудоте, ви фали навечер, преку ден на плажа кога гледате други заљубени парови...Ако сте сингл, ви недостасува само ладен коктел.