Оптимизмот вообичаено се смета за восхитувачки квалитет, што може да има позитивно влијание врз менталното и физичкото здравје. Но новото истражување покажа дека тој е штетен за бракот...

Според научниците оптимизмот може да биде пречка, бидејќи очекувањето на најдоброто во животот го спречува преземањето на проактивни чекори, кога сме соочени со тешкотии. Истражувачите Лајза Неф и Ендрју Џиерс сметаат дека младоженците треба да обрнат поголемо внимание на начинот на кој ги сфаќаат оптимистичките очекувања.

Истражувачите веруваат дека луѓето кои се умерени оптимисти во животот, нема да имаат проблеми, но крајните оптимисти за врската може да се справат полошо, ако работите одат наопаку. Истражувањето покажало дека посклоните сопрузи кон оптимизам имаат позитивно однесување за решавање на проблемите, кога се соочуваат со конфликт.

Овие луѓе имале конструктивен однос во решавањето на проблеми и искусиле помалку падови во брачната среќа во првата година од нивниот брак. Но луѓето кои се Фокусирале само на оптимизмот, не биле толку конструктивни при решавањето на проблемите, кога се јавуваат конфликт со партнерот. Со текот на времето овие луѓе доживеале и драстичен пад на брачната среќа.

Научниците дошле до заклучок дека иако вкупните форми на оптимизам се предност за врската, оптимизмот за самата врска може да ги изложи паровите на ризик од распаѓање на нивниот брак.