Психолог тврди дека редовниот секс може да направи луѓето да изгледаат за седум години помлади, бидејќи за време на секс се ослободува хормон за растење и ендорфин...



Британскиот психолог Д-р Дејвид Викс тврди дека луѓето кои имаат секс почесто, изгледаат за 5-7 години помлади за разлика од оние што практикуваат поретко, пишува Дејли Њуз. „Мојата порака е: водењето љубов е добро“, вели д-р Викс, поранешен шеф на одделот за стари лица во Кралската болница во Единбург.

Тој вели дека поминал цела деценија во проучување на приватниот живот на илјадници мажи и жени од сите возрасти. Заклучил дека клучен фактор за одржување на младешкиот изглед е практикување секс. Како? За време на секс, во телото доаѓа до ослободување на хормон за раст, кој помага за одржување на еластичноста на кожата и благодарение на тоа лицето има помалку брчки.

„Сексуалноста не е привилегија само за младите луѓе, ниту треба да биде. Сексуалното задоволство е главен „виновник“ на убав живот“, заклучува д-р Викс.

Сексот ослободува и ендорфин, кој претставува природно средство против болки, намалување на анксиозноста и полесно спиење, објаснува д-р Викс. Покрај тоа, за време на секс може да се зголеми циркулацијата на крвта, што е добро за срцето и и дава сјај на кожата. За време на секс ги согорува маснотиите и ослободува други хемикалии со што го зајакнува имунолошкиот систем.