Двојките ја губат сексуалната "искра" само по една година, покажува британско истражување...

Во првата година од врската партнерите е поверојатно да имаат секс секој ден, отколку луѓето со долги врски, утврдиле истражувачите. 75% од паровите признале и дека можат да се обидат повеќе во активностите под покривката.
Според истражувањето 15% од партнерите кои се во првите 12 месеци од врската, имале секс секој ден наспроти едвај 5% од другите двојки. Повеќе од половина од паровите кои биле заедно до четири години, имале секс помалку пати во неделата, по што фреквенцијата се намалува до само неколку пати во месецот кај 43% од учесниците во анкетата.

15% од паровите со врска, која трае повеќе од 15 години, изјавиле дека имаат секс само неколку пати во годината. Како целина испитаниците даваат просечна оценка на активностите во спалната соба, така што 40% го определиле сексуалниот живот како "океј" или признале дека "можеше да биде подобар", а 76% изјавиле дека можат да се обидат повеќе.

На прашањето што го прави сексуалниот живот повозбудлив 17% од испитаниците изјавиле дека "ги гаснат светлата", а 24% рекле дека се разубавуваат. Речиси 1/3 од испитаниците изјавиле дека имаат проблем со возбудата. Иако еден на секои десет претставници на посилниот пол страда од еректилна дисфункција, само 18% изјавиле дека би помислиле да земат лек, за да го решат проблемот.

"Се чини дека Британците треба многу да учат во врска со подобрувањето на сексуалниот живот, но понекогаш "не сум расположена" не значи само уморни, под стрес, туку тоа е симптом на болест", изјави д-р Том Брет, медицински директор на Lloydspharmacy Online Doctor, кој го оствари истражувањето.