Една од причините тврди Мет Ридли во една од најпознатите и контроверзни книги "Црвената кралица", е да се спречат болестите...

Постојано комбинирајќи ги гените, луѓето го засилуваат отпорот против бактерии и вируси кои предизвикуваат епидемии. Станува збор за т.н. теорија на Црвената кралица. Користејќи ја Црвената кралица на Луис Керол - неговата шаховска фигура, која трча што е можно побрзо, за да остане на истото место - како метафора за еволуцијата, Мет Ридли покажува дека сексот е резултат од еволуционата борба. Тоа е само една од елегантно и духовито послужените хипотези од Мет Ридли.

Еве и друга - очигледна е причината зошто мажите се полигамни: жените кои треба да оддаваат поголем дел од времето и енергијата да го создадат и одгледуваат потомството, избегнуваат дополнително сексуално партнерство. Иако се помалку склони кон многубројни врски, тие се подготвени да изневерат, ако се покаже дека нивниот партнер е со ограничени можности. Дури интелектот со такви негови димензии како виртуозност, индивидуалност и оригиналност е обележан со сексот. Интерес претставуваат и аргументите за човечката хомосексуалност покрај ризикот некои читатели кои не веруваат во еволуцијата, да се почувствуваат навредено.