Сексот треба да биде нешто што ги зближува партнерите, нешто во што двајцата учествуваат со задоволство и нетрпеливо чекаат да се случи...



Сепак, на секој може да му дојдат „лоши денови“, кога ќе ни се пренатрупаат обврски и тогаш ни недостасува време за сè, дури и за секс.

Многу сексолози тврдат дека кога „нема време за секс“, или односите во врската се изладени, намерната апстиненција може многу да помогне. Во природата на човекот важи слоганот „забранетото овошје е најслатко“, така што ако донесете одлука за пауза од секс, во голема мера ќе се зголеми вашата желба за акција.

Меѓутоа, кога апстинирате од вашата сакана личност, не треба да си ускратите другите начини за физичка блискост. Поентата да се воздржите од секс со партнерот/ката ќе ве научи да уживате со него/неа, на начин според кој се исклучува пенетрација. Сетете се само на раните денови од љубовта, кога се бакнувањето и допирањето ви беа синоним за појава на пеперутките во стомакот.

Ако предиграта ја сфаќате само како вовед во нешто повеќе, веројатно веќе заборавивте колку задоволство може таа да ви обезбеди. Обидете се со сензуална масажа, долги часови на бакнување и долги прегратки. И покрај недостатокот на време, одеднаш ќе почувствувате силна потреба за такви моменти.

Знаејќи дека секс е строг забранет, ќе ви текнат 1001 начин како да уживате со партнерот/ката.

Апстиненцијата може да биде многу корисна и доколку мажот има проблеми со потенцијата. Кога неговата желба се зголемува до голема мера, двајцата престануваат да се грижат дали ќе можат да се задоволат себеси и партнерот/ката.