Жените не се толку комплицирани, особено не кога е во прашање доброто расположение. Затоа, драги мажи, обидете се некоја од овие работи со кои сигурно на вашата сакана ќе и го разубавите денот...

Аудио порака
Наместо оние обичните, снимете го својот глас и пратете и аудио порака. Освен што ќе биде симпатичен фактот дека сте се потрудиле, ќе измамите насмевка на нејзиното лице и ќе направите да се почувствува како да се со неа во соба.

Пратете такси по неа
Надвор е топло, а ако има договорено со вас, сигурно ќе се "свари" по пат. Изненадете ја и пратете и такси кое ќе ја доведе директно кај вас. Подоцна сигурно ќе ве награди.

Оставете и тајна порака
Украдете го нејзиниот мобилен за минута и направеете аларм кој ќе заѕвони кога ќе биде на работа. Внатре алармот оставете мала порака, тоа сигурно ќе и го разубави денот.

Пратете и цвеќе
Во филмовите се случува постојано, но и во стварноста. Бидете исклучок и пратете и цвеќе на работа или дома. Ќе се почувствува како главна глумица во романтична комедија, што ретко на која жена не и се допаѓа.

Пофалете ја
Толку е едноставно да измамите насмевка на нејзиното лице - кажете и дека ослабела, дека има прекрасна кожа или едноставно пофалете го начинот на кој нешто прави. Никој не е имун на комплименти и секоја жена ужива во нив.