Кај одреден број жени се јавува несакана реакција на сперма. Алергијата поради сличноста на симптомите често се меша со полови болести, а може да предизвика и состојба слична а анафилактичен шок...

Доктор Мајкл Керол, професор за репродуктивно здравје на универзитетот Манчестер Метрополитен, изјавил дека оваа алергијаначесто ги погодува жените на возраст од 20 до 30 години. Симптомите се јавуваат веднаш или најдоца еден час по излагањето на спермата.

Преголемата чувствителност на сперма често погрешно се дијагностицира и тоа поради сличноса со други заболувања како дерматитис и некои полово преносливи болести.

Симптомите се иритација, чешање, болно мокрење...

Во текот на истражувањето доктор Керол споменатите алергиски реакции ги установил кај 12 од 100 испитани жени, иако проценува дека секоја девета жена во светот ја има оваа алергија.

Студијата покажала дека најверојатни алергиски реакции предизвикува гликопротеинот, сместен во семената течност.

Тоа значи дека жената кај која е дијагностицирана оваа алергија ќе биде алергична на спермата на секој маж и дека проблемот нема да биде решен со промена на партнерот.

Како решение, се предлага употреба на кондом во текот на сексот. Апстиненцијата, која несомнено штити од алергија, не претставува добар избор, посебно за жените кои планираат потомство.