Романсите започнати преку интернет се подолги и подобри, за разлика од врските каде партнерите се сретнале надвор од виртуелниот свет...



Технологијата го зеде приматот во нашите животи, па дури и во областа на запознавањето и љубовта. За ова сведочи фактот што една третина од двојките во Америка ги запознале партнер(к)ите преку интернет. Неодамнешни истражувања покажаа дека врските започнати преку жици имаат многу предности и траат подолго од врските кои започнале без помош на интернет.

Истражувањето е спроведено од американска радио страница за онлајн запознавање во соработка со 20.000 Американци, кои се венчале помеѓу 2005 и 2012 година. Од вкупниот број на испитаници, 35% од паровите се запознале преку интернет.

Стапката на разводи на „онлајн двојките“ е 6%, додека кај другите двојки таа бројка се искачила на 8%. Во истражувањето била опфатена и стапката на задоволство која преовладувала во бракот на сопружниците и според резултатите многу посреќен и подобар однос имале двојките што се запознале со помош на виртуелниот свет.

Причината за овој резултат, според еден од водечките научници вклучени во истражувањето, Џон Качоп, е опуштеноста и отсуството на напнатост, што им овозможува на луѓето поискрено, побрзо и подлабоко да се поврзат. А знаеме дека отвореноста е добар темел за романтична врска, која често завршува со успешен брак.