Мажите по природа се наклонети кон многубројни врски...



Обично размислувањето на мажите е дека бројот на жени не е важен, туку типот на жени со кои мажите биле во врска.

Сепак, според зборовите на експертот за врски лекарката Гилда Карла, бројот на жените не е толку важен, колку што е важно со каков тип на жени мажите се здобиле со сексуално искуство. Постојат 5 типа на жени со кои мажите треба да поминат извесно време, за да можат да ја препознаат вистинската љубов.

Постара

Постарите жени биле на многу места, виделе многу нешта и имаат префинетост и мудрост која мажот може да ја впие како сунѓер. А кој не би сакал во кревет искусна дама?

Мажествена жена

Овој вид на девојки сакаат спорт и акциони филмови, а понекогаш и се однесуваат како момче. Овој тип на девојка е толку слична на вашите другари, што покрај неа заборавате да внимавате на своето однесување, што е добра работа, бидејќи така ќе станете поопуштени со жените.

Девојка со слободен дух

Овој тип на девојка секогаш застанува да помириса рози. Таа е креативна, духовна, спонтана, можеби малку расеана и се потпира повеќе на инстинкт и инспирација, отколку на разум и планирање. Зошто е тоа добро за вас? За да ве ослободи од строгиот начин на правење на работите и да ви покаже дека не мора сè да биде совршено и испланирано. Со други зборови, ќе ве направи поопуштени и повеќе ќе уживате во животот.

Интелектуалка

Мажите често се плашат од паметни жени затоа што имаат ранливо его и не сакаат да се чувствуваат помалку вредни. Вистинска штета, бидејќи тие ве натераат повеќе да размислувате за животот и да ја цените жената, како и фактот дека таа може да биде побистра од вас.

Заводничка

Многу креативна жена со здраво либидо му е неопходна на секој маж, но не и да ги задоволи вашите најдлабоки фантазии. Секој маж треба да вклучи ваков тип на жена на својата листа, бидејќи таа може да му помогне брзо да сфати дека чистата физичка интимност не е доволна за одржување на врска.