Веќе подолго време немате партнер? Можеби се обидувате да ја преболите бившата врска? Не барајте го решението на фејсбук - може да биде опасно! Интензивната виртуелна врска може да биде пат кон психолози, тврдат истражувачите од Универзитетот во Тел Авива...

Фејсбук и другите друштвени мрежи буквално можат да ве излудеат, велат израелските научници кои ја установиле поврзаноста помеѓу психичките заболувања и виртуелните врски кои се "темелат" на друштвените мрежи.

Во истражувањето учествувале лица кои се изјасниле како осамени, а кои не боледувале од некои псхички заболувања. "Новите врски" ги пронашле "онлајн", а тогаш почнале проблемите.

"Интензивните виртуелни врски се покжаа како лошо решение за решавање на осаменоста. Психопатологијата се шири брзо колки и лесниот пристап до интернет, а комуникацијата преку Фејсбук стана честа причина за психички заболувања", вели водичот на истражувањето др. Ури Ницан.

"Љубовта" преку интернет во почетокот е пријатна и занимлива, но со текот на времето создава болка и чувство на изневереност, а на крај се доживува како сериозен напад на приватноста.

"Постепено се развиваат симптоми на психоза, како што се вознемиреност и непријатност. Илузијата з атоа дека навистина имаме партнер може да биде толку силна што еден пациен имаше и тактилни халуцинации - веруваше дека "партнерот" зад екранот навистина го допира", вели др. Ницан.

Таквите врски се оспасни затоа што лицата со кои сте во виртуелен контакт често ги идеализирате, а запознавањето во реалниот свет, сознанието дека партнерот сте го замислиле, може да биде многу болно.

Затоа, ако сте осамени исклучете го компјутерот и излезете од дома.