На љубовниот пар во занес заедничкиот живот му изгледа идилично и неретко ја става добрата врска на коцка. Затоа, добро размислете за тој чекор пред навистина да се случи...

- Задолжително однапред договорете ја финансиката страна. На кој начин ќе ја плаќате киријата, сметките и домашните потреби, Како и со цимерите, можеби е незгодна тема, но е потребна. Не сакате подоцна да се препирате баш за тоа прашање.

- Би било идеално кога би го започнале својот заеднички живот на неутрален терен. Вселување во целосно нов стан ви дава слобода, како просторна така и емоционална. Така никој не мора да прави место за другиот, ниту ќе се чувствувате како да влегувате во туѓ простор.

- Поставете домашни правила и бидете отворени со своите дневни навики и рутини. Тоа посебно се однесува на домашните работи, кои ќе морате да ги делите па треба да се знаат сите специфични начини на кои ти или тој сакате да ги извршувате работите.

- Подгответе се дека треба да одредите време кое ќе биде посветено на активностите кои не ги правите заедно. женски излегувања, време за хоби или било каква занимација која не ве вклучува и двајцата.

- Исто така, за вашиот однос да остане возбудлив и забавен не заборавајте да организирате и заеднички излегувања. Самото движење во заедничкиот простор, иако е убаво, не е исто како и заедничкото дружење.

Конечно, рецепт за складен соживот секогаш е добрата доза на компромис и многу комуникација.