Положбата во која спиете со партнерот, може да го открие каков пар сте ...

ВО ОБЛИК НА ЛАЖИЦА
Мажот е свртен спротивно од жената, а таа нежно припиена до неговото тело. Тоа значи дека тој сака да држи дистанца, а таа не му дозволува. Тоа исто така може да значи дека таа е доминантна во нивните односи, и тој и ја дозволува таа улога. Меѓутоа, ако жената му сврти грб на партнерот, тоа значи дека таа му е потчинета на мажот. Ако парот редовно ги менува положбите, тогаш се работи за рамноправни односи.

ПОЛОЖБА НА ВАГА
Ако лежат странично со допирање на грбот и задникот, сосема е јасно: двајцата сакаат интимност, но се независни. А ако воопшто нема допирање, тогаш тоа е знак на напнатост во врската.

ЉУБОВЕН ЧВОР
Двајцата лежат на грб прегрнати. Оваа положба е најкарактеристична за заљубени парови.

АНГЕЛ ЧУВАР
Мажот лежи на грб, а жената до неговите гради. Паровите што спијат во ваква позиција немаат доверба еден во друг.

МАКАЗИ
Секој лежи на својата страна и се допираат со колената, колковите, рацете или дланките. Експертите велат - ова покажува дека двајцата партнери всушност не сакаат да се врзуваат. Можно е и да не сфаќаат дали навистина сакаат да бидат заедно.

СЕКОЈ НА СВОЈАТА СТРАНА
Тој лежи на левата страна, таа на десната и не се допираат. Ова не значи по автоматизам дека парот повеќе не се разбира, туку укажува на толерантност и желба за удобно спиење.