Заборавете на романтичните мали разговори во спалната соба, милиони луѓе преферираат да одговорат на работните меилови и да проверат Фејсбук отколку да му обрнат внимание на својот партнер...

Речиси половина од испитаниците на возраст од 16 до 34 години во кревет проверуваат пораки на своите смартфони, таблети или лаптопи, покажува новото истражување. Една од десет личности во оваа група признава дека тоа го прави секоја вечер.

Кети Тул, од компанијата "Future Fondation", која го спровела истражувањето, вели дека времето пред спиење за многу луѓе веќе не е период на опуштање. "Тоа е време за интернет", вели таа.

Студијата исто така покажала дека 68% од лицата на возраст од 25 до 34 години никогаш не ги исклучиле своите мобилни телефони што значи дека секогаш се достапни и поврзани.

Резултатите истакнуваат дека технологијата се побргу ги руши границите помеѓу работата и дома. Истражувањето исто така покажало дека една од четири вработени лица во Велика Британија поради последица на економската криза работат повеќе часа, а 14% работат и за време на викендите.

"Тоа го наметнува прашањето: дали технологијата е непријател на романтиката и дали присутните паметни телефони и Фејсбук ќе станат најчестите наведени причини за развод", наведува портпаролот на компанијата "Future Fondation".