Природата и манифестаците на љубомора кај двата пола се сосема различни, тврди истражувањето на германски научници од Универзитетот во Bielefeld - жените најчесто доживуваат љубомора, кога чувствуваат манифестации на неверство кај партнерот, додека мажите се поспецифични - тие се љубоморни кога има знаци на прељуба...

Истражувачите сметаат дека причините за разликата се наоѓа во еволуцијата. Жените на прво место се љубоморни забележувајќи кај партнерот чувства кон друга жена, а мажите - кога жената веќе избрала друг партнер.

Германските психолози интервјуирале неколку илјади волонтери од двата пола, така што им поставувале прашања за тоа кои ситуации би ги дефинирале како неподносливи. Така жените се изјасниле дека најтешко би ја надминале ситуацијата во која чувствуваат знаци на емоционално неверство. Мажите пак како вистински удар го определиле сексуалното неверство.

"Сексуалното неверство не влијае врз функцијата на размножување кај жените", објаснуваат причините за разликата специјалистите. "За жените сексуалното неверство на мажите може да биде дури и сосема рамнодушно. За сметка на тоа претставничките на понежниот пол реагираат остро на секоја желба на мажот да ги напушти, што во раните фази од еволуцијата најчесто значело закана за животот и дури несреќата за жената и потомството. Потсвесно стравовите всушност продолжуваат да постојат и денес и го детерминираат однесувањето во повеќето слични ситуации".

"Кај мажите еволуционистичката ситуација е сосема поинаква. Мажот се држи на сексуалната верност на својот партнер, бидејќи на овој начин добива гаранции дека децата се токму од него. Многу мажи и денес не сакаат да учествуваат во одгледувањето на децата кои не се нивно потомство", дополнуваат германските психолози.