Деновите од 6 до 12 мај се прогласени за Меѓународна недела на клиторисот! Идејата за постоење на таква специјална недела припаѓа на добротворната организација Clitoraid, која им помага на жртвите на сексуално осакатување да ги обноват засегнатите органи и да се однесуваат кон сексуалноста без никакви грижи...

Во некои држави целиот мај месец е одреден и за Национален месец на мастурбацијата. Тоа е идеално време да се обрне особено внимание на малото "топче на задоволство", што мислите? Во меѓувреме пак, ние ќе се приклучиме кон убавата кауза, така што ќе ви презентираме 3 помалку познати факти кои се однесуваат на клиторисот:

Клиторисот е поголем отколку што многумина мислат
Знаете ли дека Мари Бонапарта (роднина на Наполеон и блиска на Фројд) уште во првата половина на минатиот век по хируршки пат си го преместила клиторисот, за да биде поблиску до вагината. Причината: не е можела да стигне до оргазам по вагинален пат, а има докази дека веројатноста за тоа е доста поголема кај жените, кај кои растојанието помеѓу клиторисот и влезот на вагината е помал. За жал, искуството на Мари бил неуспешен. Во извесна смисла клиторисот е како санта мраз - гледаме само една четвртина од него, но под неа има уште, па не можеме едноставно да го преместиме.

Kлиторисот расте
Растот се должи на хормоналните промени во женското тело. Започнува во почетокот на пубертетот и на крајот веќе е околу 1,8 пати поголем. До моментот во кој дамата ќе наполни 32, е нормално органот на нејзиното задоволство да е зголемен четирипати од времето кога била уште девојче. И работите не застануваат таму. По менопаузата, клиторисот веќе е седум пати поголем отколку при раѓањето. Но не паничејте! Сепак зборуваме за сосема мал дел од телото, при што сето ова зголемување всушност не е којзнае колку забележливо.

Чувствителноста му е поголема од онаа на пенисот
Веројатно знаете дека клиторисот е женскиот еквивалент на машкиот полов член. Неговата структура е многу слична. Всушност, кога бебињата се зачнати, првично имаат исто генитално ткиво. Само што при момчињата тоа се развива во пенис, а кај девојчињата - во клиторис. При тоа женскиот орган има најмалку 8000 сензорни нервни завршетоци - два пати повеќе од машкиот!

Еве и уште еден факт: клиторисот е единствениот орган во човечкото тело, кој нема никаква друга функција освен да носи задоволство.