Гласот отвора патот на мажите кон женското срце, покажува британско истражување. Научниците утврдиле дека различните гласови инстинктивно се поврзуваат со големината на телото, атрактивноста и дружелюбноста. Тие откриле дека најпосакуваниот машки глас од британските жени е длабок, рапав и задишан и покажува совршена комбинација на машкоста, сила и блага доза нежност...

Ова веројатно го објаснува успехот на Џои од хит серијата "Пријатели" со жените со репликата "како си?", вклучувајќи ги совршено сите овие карактеристики. Жените кои сакаат да привлечат британски маж, мора да се обложуваат на писклив и задишан глас, кој во машката свест асоцира на мало тело, отвореност и покорност.

"Кај жените донекаде станува збор за сексистички стереотип. Истражувањето покажува дека потсвесно мажите се привлечени од женски глас, кој покажува дружељубивост и послушност", изјави раководителот на истражувањето д-р И Сју.

"Мажите сакаат глас, кој покажува мал размер на телото, а тој е писклив и задишан. Мерилин Монро е добар пример", додаде тој.

"Ако мажите сакаат да бидат атрактивни за жените, подобро е да бидат задишани отколку агресивни од гледна точка на гласот. Но од гледна точка на висината ние откривме дека е попривлечно гласот да биде низок, што покажува машкост. За мажите идеалната комбинација е како машкоста, така и нежноста, тоа е префериран тип на гласот", изјави истражувачот.