Дека мажите не ги разбираат жените сме слушнале безброј пати, но сега за тоа постојат и докази, пренесува "Daily Mail"...

Истражувачи од Универзитетската болница LWL откриле дека мажите можат да го погодат расположението на луѓето на фотографиите кои им ги покажале гледајќи ги само нивните очи. Но, постои "квака", очите на фотографиите им припаѓале на мажи.

Сите 22 мажи со помош на фотографиите на кои им биле прикажани само очи морале да ја одредат емоцијата која личноста ја покажува: негативна, позитивна или неутрална.

Истражувањето покажало дека мажите многу подобро го одредуваат расположението на личностите на сликите ако е во прашање маж.

Научниците веруваат дека читањето на емоции се одвива со помош на очите, а испаѓа дека мажите се многу повешти во одредување на емоциналната состојба на други мажи отколку на жените.

Ова не е прво истражување од тој тип затоа што истражувачите од Универзутетот на сојузната држава Индијана, откриле како мажите често погрешно ги интерпретираат позитивните сигнали кои им ги праќаат жените, често менувајќи ги пријателски настроениот поглед со сексуална привлечност.