Припадничките на понежниот пол во земјите во ЕУ трошат преку 53,70 евра за купување на парчиња облека за да го засенат својот партнер на првиот состанок, а 20,30 евра за козметика...

Иако Французинките важат за жени кои најмногу се грижат за својот изглед, оваа анкета го покажала спротивното. 39% од Европските дами купуваат некое ново парче облека трошејќи 53,70 евра подготвувајќи се за првиот состанок со саканата личност и само 33% од Французинките кои трошат 40,40 евра, е резултатот од истражувањето на агенцијата Meetik и TNS Sofres.

Фрацуските дами трошат најмалку и на козметика за таа прилика, вкупно 14,90 евра додека просечна Европска жена троши 20,30 евра. Во просек 24% од жените во ЕУ одат на фризер за првиот состанок, а французинките 22%.

Оваа анкета е оспорувачка за уште една предрасуда, а тоа е дека жените трошат многу повеќе пари на козметички препарати од мажите, затоа што се покажа дека мажите во просек за првиот љубовен состанок трошат 19,50 евра, а жените околу 20,30 евра, со тоа што процентуаланата застапеност сепак е во корист на жените, затоа што само 16% од мажите се подготвени да вложат пари за нова козметика за да ја засенат потенцијалната партнерка, наспроти 39% од жените.

Најголем број Италијани се подготвени да се изложат на трошок за да се подготват за љубовен состанок, но тие кои трошат најмногу пари за излегување со саканата личност се Норвежаните кои во просек торшат 89,90 евра за гардероба а 66,2 за одење на фризер и козметичар. Италијаните трошат најмногу пари во ЕУ во поглед на козметиката во просек 23,2 евра.