Да големината, всушност има значење. До овој заклучок дошле австралиски биолози, кои дадоа свој придонес во дебатата, која ги возбудува мажите одамна...

Професорот по биологија во Австралискиот национален универзитет во Канбера Мајкл Џиниерс, кој е еден од авторите на студијата вели: "Се обидовме да одговориме на ова прашање, од научен аспект".

Претходните студии покажуваа дека жените преферираат големи мажи, со широки раменици и тесни Колкови. Кон овие критериуми австралиските научници ја додаваат и големината на пенисот. За да стигнат до овој заклучок тие направиле истражување покажувајќи на голем екран на 105 жени на возраст од околу 26 години, 50 фотографии на различни голи машки силуети.

Жените требаше да направат избор анонимно, со притискање на копче. Се покажало дека просечното време за реакција на секоја слика било многу кратко - помалку од 3 секунди. Тоа значи според научниците, дека изборот е прилично рефлексен, а не аналитички.

"Биолозите мислат дека жените во праисторијата ја користеле големината на машките полови органи, како еден од факторите за избор на подобар потенцијален партнер за создавање на поколение. Оваа хипотеза сепак макар и убедлива, тешко можеше да биде докажана. Според француската национална академија за хирургија просечната должина на машкиот орган во состојба на мирување е помеѓу 9 и 9,5 см, а при ерекција меѓу 12,8 и 14,5 сантиметри.