Тешко е да се зачува ладнокрвноста ако некоја девојка се мота околу вашиот дечко, но најголема грешка би била да направите сцена. Тоа што таа не се однесува како дама, не значи дека и вие треба да тргнете по нејзините стапки.

На секоја дама барем еднаш и се случило во нејзино присуство друга жена да му се пушта на нејзиниот дечко. Меѓутоа, прва и потполно погрешна реакција е правење сцена. Подобро е да се придржувате до следните правила.

Немојте да и пријдувате

Суптилното влегување в разговорот е во ред, но ако настапите со преагресивен став и почнете да и објаснувате дека мора да се тргне од вашиот дечко, ќе направите непријатна ситуација. Вашиот избраник ќе мисли дека немате доволно доверба во него и дека мислите дека не умее сам да ја реши ситуацијата. Ќе создадете конфликт и ќе останете без опцијата за мирно решавање на ситуацијата. Само затоа што таа не се однесува како дама, не значи дека и вие треба да тргнете по нејзините чекори.

Не обвинувај го

Вашиот дечко може да биде сосема невин во целата приказна. Постои шанса да ја предизвикал, но постои и шанса девојката целосно погрешно да протолкувала се и тргнала во напад, без да размислува за последиците. Во секој случај, дајте му на избраникот шанса да се изјасни и да покаже дека навистина нема место за паника. Ако има, решете го тоа на само, а не во јавност.

Дознај го контекстот

Можеби се знаат од порано. Можеби станува збор за недоразбирање. Можеби не ни знаела дека дечкото е зафатен.