Во далечните 70-ти години од минатиот век, една германска компанија на своите вработени им дала да потпишат договор според кој за време на работниот однос не смеат да се впуштаат во врска со своите колеги. Што би направиле вие ако денес некој ви понуди таков договор...

Денес правилата се многу променети и тешко дека некому ќе му падне на памет такво нешто. "Не смеете" се претвори во "Зошто да не", ако позитивно влијае на работата на вработените. Иако мислењата околу ова прашање се поделени, сепак ги има повеќе оние кои тоа го оправдуваат, ако се и двајцата слободни. Сепак старата поговорка вели "Никогаш не вели никогаш".

1.Можете ли да си замислите да бидете со таа личност од 0-24? Дека нема да го има она чувство кога едвај чекате да дојде 16 или 17 за да излезете од канцеларија и да се видите со него, затоа што до 16 или 17 истата личност ја гледате секој ден, пет дена неделно?

2.Можете ли да се однесувате професионално во текот на работното време? Опцијата пренесување на кавгата од спалната соба во канцеларија воопшто не е опција. За жал, убавите работи како што се бакнежите и прегратките не спаѓаат во добро и професионално однесување.

3.Љубомора? Можеби ве нервира Маја од неговата работа, затоа што мислите дека флертува со него, но тоа го знаете само вие и евентуално тој. Но, како да ја натерате Маја да го прави тоа пред ваши очи?

4.Како би ја протолкувале неговата критика на вашата работа? Дали би ја сфатиле исклучиво деловно или можеби и лично?

5.Што ако не успее? Како понатаму?