Сега е јасно зошто заљубените лица немаат апетит - затоа што ништо не им е вкусно. На заљубените навистина не им е лесно - срцето им чука забрзано, концентрацијата опаѓа, а новите истражувања покажуваат и дека во устата имаат слабо чувство за вкус...

Благо, солено, горко или луто? На заљубените не им е важно, всушност тие потешко разликуваат, а "виновници" се хормоните, секако.

Во едно истражување кое опфатило 50 лица, меѓу кои биле свежо заљубени, оние кои биле во долги врски или самци, им била мерена реакцијата на вкусот на храна.

Во текот на тестирањето испитаниците морале да пробаат и да помирисаат одредена храна и потоа да остават примерок од плунка. За утврдување на промените во телото земени се хормоните окситоцин и тестостерон.

Резултатите од тестовите покажале дека нивото на окситоцин, "хормонот на љубовта", навистина влијае на границата на чувствителност на вкусовите кај заљубените лица.

Нивото на окситоцин било пониско кај лицата кои немаат постојан партнер, но затоа чувствителноста на вкусовите кај нив била највисока.