Ако сеуште не сте одлучиле да се откажете од пушењето, еве уште една, одлична причина - пушачите имаат полош љубовен и сексуален живот, особено ако само еден од партнерите е "никотински зависник"...

Вашата навика не само што е нездрава, таа е и социјално неприфатлива, а може лошо да влијае на вашиот љубовен и сексуален живот, велат стручњаците.

Животот на пушачите е комплициран, особено по забраната за пушење на јавни места кои се воведоа ширум светот. Воглавно, страстните зависници од никотин, поради "мирисот" некогаш остануваат скратени од малку нежност во спалната соба пред спиење. "Смрдиш на цигари, спиј во другата соба", може да се случи да слушнете кога ќе се вратите од излегување со другарите, или "женски седенки со вино и цигари".

Домовите на долгогодишните конзументи на тутун често мирисаат на цигари и тоа нема врска со начинот на одржување на хигиената и чистиот воздух во просторот во кој живеат. Мрисот од тутун бргу се вовлекува во мебелот, завесите, тепихот, а тоа мора да признаете дека не е ниту малку пријатно.

Пушачите имат слаб имунитет, пред се поради тоа што никотинот го разјадува витаминот Ц. Затоа тие се склони кон настинки, грип, разни вируси, но и недостаток на кондиција.

Докажано е дека сексуалната издржливост на пушачите е значително помала од оние кои никогаш, или веќе долго, немаат "запалено".

Имајте на ум, исто така, и дека пушачите живеат пократко затоа што ризикот од заболување од рак на белите дробови, меѓу останатото, кај нив е повисок, особено кај жените. "Ќе живееме среќно до крајот на животот", може да трае кратко ако барем еден од партнерите е пушач.