Некогашните венчавки имале правила и традиции кои строго се извршувале. Камо среќа да може се да биде по ваш избор и да уживате во венчавка каква што сакате. Невестата го има последниот збор во одлуките, и овие одлуки се само ваши...

1.Венчаница
Од раскошна бела до секси венчаница во било која боја. Изберете ја онаа во која вие добро ќе се чувствувате и во која ќе изгледате најдобро. Туѓите идеи како би требало да изгледате на тој ден треба да ги занемарите.

2.Обувки
Ако сакате обувки кои потоа ќе можете да ги носите и за излегување, зошто да не? Не мора да ги облечете еднаш и потоа да ви стојат во ормарот. Исто така, ако сакате да се чувствувате удобно, избенувајте вртоглави потпетици, а ниту бојата не е ограничена.

3.Подароци
Дали ќе им допуштите на гостите да ви донесат што сакаат, ќе одредите листа на омилени подароци или ќе се одлучите за "плико" зависи само од вас и вашите потреби.

4.Фрлање на букет
Тоа е една од ретките традиции која остана, но не значи дека мора да ја испочитувате. Често нема доволно немажени девојки за учество, а некои и не сакаат да учествуваат.

5.Торта
Овде имате простор да ја покажете својата способност или да направите нешто оригинално. Секако, може да се одлучите за традиционална висока торта. Но, зошто да не изберете некоја обична или пак повеќе мали тортички.

6.Покани
Венчавката е прослава за вашиот избраник и вас, како и луѓето кои ги сакате и сакате да ги видите на тој ден, Немате никаква обврска да поканите некого на чија венчавка сте биле или целата далечна роднина. Изборот сепак е ваш!