Прилично ефикасен начин да се ослободите од вишокот килограми е швалерацијата. Мажите кои „мрдаат со опашката“ во просек губат три, а жените - околу пет килограми.

Впуштањето во вонбрачна афера е прилично ефикасен начин да изгубите вишок килограми, покажале резултатите од неодамна спроведената (и прилично бизарна) анкета.

Повеќе од половина мажи и 62% од жените кои учествувале во анкетата изјавиле дека по започнување на вонбрачната афера изгубиле килограми.

Во просек, мажите кои имале љубовници ослабнале околу три, а жените кои ги мамеле парнерите околу пет килограми.

Иако резултаите од оваа анкета која е спроведена од страна на сајтот UndercoverLovers се наменети за луѓе кои се во брак, а сакаат афера, сепак треба да се земат со резерва затоа што професионалците велат дека постојат неколку физиолошки причини поради кои во вакви ситуации се топат килограмите.

„Впуштањето во вонбрачна врска создава огромен притисок“, објаснува Крег Џексон, професор по психологија на Универзитетот во Бирмингем. „Мажите во такви ситуации сакаат да се докажат и важно им е да изгледаат колку што е можно подобро, за да ја освојат жената која ја сакаат.“

Но, мажите би требало да имаат уште нешто предвид - оние кои ја мамат сопругата се изложени и на повишен ризик од инфаркт.