Нашите мајки и баби велат дека патот до срцето на мажот минува низ стомакот, но за жал тој може да е многу трнлив. За патешествието да заврши успешно се потребни многу повеќе работи од женски шарм, потребен ви ум и искуство...
Прво соберете колку што можете повеќе информации за човекот, кој ви се допаѓа. Дознајте што го привлекува, што го отргнува и што сака да прави. Многу важно е да покажете почит кон она со што се занимава вашиот избраник. Дајте му шанса да се чувствува успеашен со вас.
Изненадете го со нова фризура, шминка, гардероба и долна облека за да покажете дека ги цените средбите со него и сакате да изгледате убаво во негово друштво. Почитувајте го неговото чувство за слобода. Повеќето девојки буквално го напаѓаат телефонот на својот партнер со повици и пораки. Така само ќе го оддалечите, бидејќи ако тој сака да помине време со вас, ќе се јави сам.
Бидете поинаква. Рутината и постојаноста ги отргнуваат мажите. Тие бараат нешто невообичаено и интересно. Токму за таква жена се подготвени да го направат и невозможното.
