Понекогаш најпосакуваните подароци не можат да се купат со пари, завиткани во шарена хратија. Често највредните подароци не чинат ниту денар но бараат малку време, љубов и труд...

Проспиена ноќ
Квалитетниот сон е многу барана работа меѓу вработените жени и мајки. Пробајте едно утро вие да ги превземете нејзните обврски околу домот/децата/пазарењето за таа да може да отспие колку што сака, без да гледа на часовникот.

Масажа
Носењето на ќесите од пазар, легенот со мокри алишта, држењето на децата во раце, стоењето при пеглање и миење садови...сите овие работи "удараат" на 'рбетот. Понудете се понекогаш на својата сакана да и ги измасирате грбот и рамениците, ќе видите колку ќе ви биде благодарна.

Вечера без готвење
Готвењето бара планирање однапред и сложена изведба која следува потоа. Ако и понудите алтернатва - одење во ресторан или нарачување на храна "за носење" ќе ја поштедите од ментална работа во текот на денот и потење на шпорет после работа - фантастичен подарок!

Ден без миење садови
Превземете ја должноста за миење садови за цел ден - ќе биде големо ослеснување за неа.

Долга прошетка
Долгата заедничка прошетка може да биде поинтимна од скапата вечер во ресторан. Таа е бесплатна и забавна, да не споменеме дека е одличен извор на здравје.

Целосна контрола над далечинскиот управувач
Оставете ја да го гледа она што го сака. И кога ќе ја пушти омилената серија, не обраќајте и се. Седнете до неа и уживајте во заедничкото друштво - во тишина.

Време само за вас двајца
Покрај целиот хаос кој се случува во секојдневието ќе и биде потребна мирна вечер дома - заедно со вас. Погледнете некој романтичен филм или било што друго, всушност ќе и биде доволно само да се стутка до вас, а од пријатност и умор веројатно нема ниту да издржи да го изгледа филмот до крај - но, зато ќе заспие спокојно во вашите прегратки.