После три ипол години на личноста со која сме во врска почнуваме да и земаме се здраво за готово, многу работи одеднаш се "подразбираат", "те сакам" се поретко го слушаме и изговараме, а сонот станува пречка до сексот...

Фазата на "меден месец" има рок на траење. Кога заљубеноста почнува да избледува, партнерите се почесто во кревет одат во различно време, а ноќите кога се галевте пред телевизор заминуваат во историјата - заменети со следење на омилените серии.

Само неколку години по почетокот на заедничкиот живот или венчање престануваме да се трудиме. Жените се презафатени, мажите помалку водат грижа за себе, а и едните и другите забораваат дека за добра, среќна врска потребни се и труд и внимание и секс, и "те сакам" и "дојди во кревет", и бакнежи пред работа и за добра ноќ...

Опасно е ако се лизнете на тој модел на однесување, а тоа не го забележувате. Но, ако забележите дека ви се случуваат такви работи и дека вашата врска запаѓа во монотонија, сеуште не е се изгубено. Љубовта е најважна, но не се подразбира. Потрудете се, немојте да чекате вашиот партнер да го направи првиот чекор. Изненадете ја личноста што ја сакате, организирајте викенд некаде каде ќе можете да уживате еден со друг, или "украдете" вечер само за вас двајца, без телефон и компјутер...Дотерајте се без причина, малку шминка и секси фустан наместо тренерката во која, инаку се влечкате по дома, фризура наместо невнимателно собрана опашка, можат да направат чуда.

Можеби сето ова ви звучи досадно, но и двајцата ќе ве потсети на тоа колку сте среќни што имате некој што го сакате и кој ве сака најмногу на свет. Зарем тоа не е добра причина утрешниот ден да го започнете со вистински, "филмски" бакнеш пред одење на работа?