Денес е Светскиот ден на бракот, кој се обележува ширум светот, а во некои земји обележувањето трае дури и недела дена. Посветен е на брачниот пар - маж и жена како столб на семејството...

Идеата за обележување на овој ден започнала во американската држава Луизијана во почетокот на 80-тите години од минатиот век. Набргу била добро прифатена и во 1983 година е воведена како официјален поим Светски ден на бракот кој секоја година ширум светот се обележува втората недела во февруари.

Во поединечни земји постои дури и недела на бракот и тоа во период од 7 до 14 февруари, односно до Денот на вљубените - Св. Валентин.

Целта е брачните партнери да се потсетат на брачните вредности кои би требало да ги негуваат, потребата за меѓусебна почит и вредностите кои си ги ветиле еден на друг.

За жал, денес сепак многу темелни начела на бракот и брачниот живот се поретко се почитуваат, бракот во општеството воглавно се прикажува негативно и се помалку се оние кои се одлучуваат на брачна заедница.