Истражување на сајтот "realbuzz.com" покажува дека мажите и жените се надеваат на сосема различни нешта на 14 февруари...

Традиционално мажите ќе им купат цвеќиња на дамите, за да ја покажат приврзаноста. 45% од претставниците на посилниот пол сметаат дека тоа е совршен начин да кажат "Те сакам". За жал само 4% од жените се согласуваат.

14% од Британките велат дека би го оставиле партнерот, ако добијат пари како подарок за Денот на вљубените. 3/4 од жените би сакале нешто лично како рачно напишано писмо или песна. 20% од мажите сметаат дека испраќање на романтична СМС порака е посоодветно.

Повеќето мажи на Островот планираат на партнерката да и подарат сексапилна долна облека за Денот на вљубените. Но, 1/5 од жените никогаш не ја носат долната облека, која им ја подарил партнерот. Речиси 2/3 од мажите признаваат дека се уште немаат планови за празникот, а 30% од жените очекуваат партнерот да испланира сè.

Но, ако сепак мажите одлучат да ја однесат партнерката на ресторан, треба да бидат подготвени да ја платат целата сметка, бидејќи една третина од жените не очекуваат да го платат својот дел од сметката во празничната вечер. Ако, пак, мажите одлучат да не и подарат ништо на партнерката, бидејќи не можат да се сетат за нешто такво, идејата не е воопшто добра. 53% од жените велат дека би го напуштиле партнерот, ако не добијат подарок за Денот на вљубените.