22 излегувања заедно, два одмори и најмалку 3000 фунти за подароци се потребни за прераснувањетп на љубовта во долготрајна врска, покажува британско истражување...

Иако тоа веќе звучи како голема работа, почекајте да го слушнете остатокот - треба да се преминет низ седум големи скандали за да се зацврстите како долготрајна двојка. Можеби заради тоа пописот на населението во 2011 година покажа дека бројот на неженетите возрасни во Велика Британија се зголеми од 3 милиони луѓе до 15,7 милиони, а бројот на женетите парови речиси не се променил во последните десет години.

Статистиката се рефлектира и во истражувањето на сајтот за совети за начин на живот "Socked.co.uk". Извршниот директор на сајтот Марк Хол рече дека иако самците сега ќе можат да се запознаваат на интернет, како и преку старомодните средства како барови или преку заеднички пријатели, тие инвестираат помалку време и пари во љубовта.

"Според наши пресметки само 3% од новите врски ќе издржат доволно долго за да се дојде до олтарот или до регистрација. Тоа е долг, ризичен процес кој бара вештини, проценка и такт. Ние им помагаме на господата да најдат идеална партнерката" , изјави Хол.

Истражувањето на сајтот утврдил дека долготрајната љубов бара 22 оброци надвор како двојка, пет оброци надвор со четворица или повеќе пријатели, два одмори, средба со родителите, две преспивања во куќата на родителите. Тоа вклучува уште седум големи скандали одобрени од најмалку 55% ​​од пријателите и роднините на партнерот или партнерката и најмалку 3000 фунти за подароци.