Пушењето цигари често влијае на односите и врската со другите луѓе. Ви стои ли вашата нездрава навика на патот кон остварување на љубовта и сексот? Ако да, тогаш тоа треба да биде дополнителен потик за да се ослободите од овој многу раширен порок...

1.Спиење
Ако сте редовен пушач, веројатно чадот од цигарите ќе ви остане во коса. Ако се вратите уморни од работа и не можете да се туширате или да ја измиете косата веројатно поради тоа нема да уживате во нежностите таа ноќ што може да придонесе за оддалечување од партнерот.

2.Облека и мебел
Можеби вашиот партнер не сака облеката, чаршафите или мебелот да му мириса на чад. Верувајте дека оној на кој тоа му пречи нема да биде воодушевен што постојано мора да чисти и да го освежува просторот. Така цигарите може да станат навистина силна алка за кавга.

3.Болест
Луѓето кои пушат мора да се грижат за болсти на срцето, белите дробови и да стравуваат од други сериозни проблеми, а да не спомнуваме дека пушачите се разболуваат многу почесто и се склони кон кашлање и настинки. Ако го намалите или целосно се откажете од пушењето, ќе избегнете многу болки.

4.Секс
Како што досега докажале многу истражувања, сексуалната издржливост кај пушачите со текот на годините се намалува. Дувањето и честите паузи и во наједноставните пози може да доведат до фрустрираност и намалена сексуална активност - оставајќи ги и двајцата партнери незадоволни.

5.Контрацепција
Во упатствата за користење на разните видови на орална контрацепција за жени се наведува дека оние над 25 години не би требало да пушат додека ја примаат терапијата. Постојат докази дека контрацепциските таблети можат да предизвикат срцеви проблеми доколку сте пушач.