Како што покажаа американските истражувања, мажите се плашат од успешните жени. Вработените жени им изгледаат недостапно и се плашат дека нема да ги забележат кога ќе покажат дека се заинтересирани...

Но, истражувањата покажуваат едно, а реалноста друго. Затоа одлучивме храбро да завземеме став според кој веруваме дека мажите не се плашат од успешни, туку од жени кои се поуспешни од нив. Уште ако со некоја таква го делат и креветот...

Работата е во тоа што малку мажи (не велиме дека не постојат) можат искрено да поднесат жената да заработува повеќе од него. Иако тврдат дека тоа не им е важно, тоа сепак претставува еден вид навреда на нивниот статус "алфа мажјак". Алфа мажјакот е тој кој се грижи за егзистенција. Но, кога постои алфа женка кој сетоа тоа веќе сама (успешно) го прави, таа не бара маж кој ќе и пружа таков облик на сигурност. А токму овде забораваат една многу важна работа, а тоа дека ниту еден стан, добра плата или автомобил не можат да го надополнат тоа што и е потребно на секоја жена, па и на онаа со највисока положба, а тоа се љубовта и вниманието.

Но, што се однесува до тоа прашање вината не е само кај мажите. И жените треба да бидат малку попопустливи и да не ја сфаќаат љубовта како проект кој треба да го одработат. Понекогаш треба да му дозволите на мажот да биде посилен од вас, нешто за што тој навистина има потреба. Од друга страна, мажите треба да го намалат своето его, затоа што правилата се многу променети од времето на мама и баба. Повеќе би сакале да имате жена која ќе стекне богатство преку мажот? Можеби необразована и мрзелива жена? Или повеќе би сакалр жена со која ќе можете да се пофалите?

Па пред да почнете да се чувствувате загрозено, сетете се дека таквата жена, од сите мажи, ве избрала токму вас и дека има право да очекува таа љубов да и биде возвратена. Од кога паметната, образована и успешна жена е хендикеп? И од кога една добра плата е подобра од две?