Иако научниците до сега секогаш тврдеа дека сексот согорува многу повеќе калории и дека е одличен супститут за вежбање, ново истражување покажува дека тоа не е баш така...

Сексот троши само 50 калории, што значи ова: Додека се потиме, напнуваме и менуваме пози, трошиме исто колку што би потрошиле во кратка, лесна прошетка.

Овие податоци ни ги носи Дејвид Алисон, биостатистичар од универзитетот Алабама во Бирмингем, кој го истражи митот за големото согорување на калории во текот на сексот. Просечен секс трае 6 минути, што значи дека не се трошат ни приближно онолку калории колку што се мислеше, а Алисон тврди дека овие лажни претпоставки меѓу останатото придонесуваат за зголемување на телесната тежина и дебелината во светот.

Добра вест: Ако отспиете околу час и половина, ќе потрошите повеќе калории отколку за време на секс, па наша препорака е да ги комбинирате овие две работи.