Тогаш подобро би било да се придржувате кон традиционалната поделба на "машки" и "женски" работи. Паровите кои сакаат да го подобрат својот сексуален живот мора прво да си ги поделат работите во домаќинството затоа што мажите и жените кои ја почитуваат традиционалната поделба на улогите имаат секс почесто, покажало ново истражување...

Студијата која ги анализирала улогите на 4.500 брачни парови во САД покажала дека оние парови каде жените готват, чистат и одат на пазар а мажите се занимаваат со работите околу градината и автомобилот, имаат поактивен сексуален живот.

"Резултатите покажуваат дека полот и понатаму го организнира секојдневниот живот во бракот", рекла коавторката на студијата и професорка по социологија на Универзитетот во Вашингтон, Џули Бринс.

Студијата која ја пренесува Ројтерс, покажала дека паровите со традиционални улоги имаат секс 1,6 пати повеќе месечно од оние каде мажот ги извршува и женските работи.

"Бракот денес не е ист како и пред 30 и 40 години но некои работи и понатаму се важни. Сексот и домашните работи се клучен аспек за заеднички живот и се поврзани со задоволството во бракот и начинот на кој сопружниците го изразуваат својот идентитет", рекла Џули.