Секој пар се кара, а ако кавгите се толку неизбежни, подобро да бидат продуктивни. Овие четири се дури и навистина корисни да ги направите...

За својата слобода
Некои момци сакаат да ги критикуваат своите девојки дека премногу трошат, иако станува збор за пари кои сама ги заработила. Кога ќе влезете во врска, јасно дека некој тука и таму ќе ви се плетка во одлуките и ќе се обидува да ви ја намали слободата која ја имате, а токму поради тоа добро е веднаш на почетокот да поставите граници. Како трошите, со кој пиете кафе и како се однесувате на Фејсбук може да биде интерес за вашето момче, но тоа не му дава право нешто да ви брани.

За здравиот живот
Многу парови го имаат овој проблем. Тој ветувал дека ќе престане да пуши и никако не се држи до тоа ветување. Со почит на нечија лична слобода, но, сепак мораме да водиме сметка и за своето здравје, па така ултиматумот: или јас или цигарите - никогаш не е лоша опција.

За сопствените чувства
Не можете секогаш да се согласувате. Тој можеби сака работите да се поопуштени, вам ви е помило кога ќе ви се јавува секое утро штом се разбуди. Не велиме дека тој е крив или дека вие сте во право, но околу ова мора добро да се скарате за да најдете добро и прифатливо решение за двете страни.

За својата удобност
Тој сака да ја остава даската крената, вие сакате на мијалникот да ги оставате ватите со кои сте ја чистеле шминката. Него го нервираат вашите вати, вам неговата даска која никогаш не ја спушта. Овде имате повеќе опции: Можете да продолжите да си одите на нерви, можете да прекинете бидејќи не се согласувате или може да се скарате и да дојдете до компромис кој ќе биде добар и за двајцата.