Неверствата во денешно време најчесто се откриваат со „душкање“ по мобилниот телефон на партнерот.

Во минатото, трагот од кармин, мирис на непознат парфем и „необјасниви“ сметки за вечера за двајца би биле најчести извори за сомнеж дека еден од партнерите мрда со опашката. Денеска, во период на модерната технологија, душкањето по мобилниот телефон на личноста со која сме во врска е најчест начин за откривање на неверството.

Според неодамна спроведена анкета, поголемиот број неверства во денешно време излегуваат на виделина благодарение на проверувањето на мобилниот на партнерот, профилот на Facebook или мејлот.

На тоа допринесуваат и auto preview опциите, кои го прикажуваат текстот од пораката на екранот да кажеме на iPhone модел штом пораката ќе стигне...

Резултатите од анкетата во која учествувале 2.400 личности кои имале искуство со неверство, без разлика дали тие мамеле, без разлика дали партнерот ги мамел, покажале дека речиси во половина од случаите (41%) за откривање на аферата бил „виновен“ мобилен телефон. Во такви ситуации страда и - мобилниот, ни крив, ни должен. Многу често телефонот се крши кога изневерениот партнер со него го гаѓа виновникот.

Следниот најчест начин на откривање на неверството е проверувањето на Facebook профилот на партнерот (23%), а потоа „душкањето“ по лаптопот или таблетот на „осомничениот“ (13%).

Невнимателните, кои не се потрудиле доволно за да ги сокријат очигледните траги на телото или облеката е 11%, а околу 5% од оние кои изневеруваат ги разоткриле пријателите или членовите на семејството. Поради грижа на совеста, неверството на личноста со која биле во врска им ја признале само на 2% од испитаниците, а на некој друг начин неверството е откриено во уште 2% од случаите.