Обезбедување на финансиска стабилност преку брак во денешно време е поважно за младите мажи, отколку за младите жени, покажува британско истражување...

Родителите на девојчињата сметаат дека нивната финансиската безбедност зависи повеќе од доброто образование и кариера, отколку од бракот. Истражувањето на односот кон бракот, спроведено по повод 200-годишнината од издавањето на романот "Гордост и предрасуди" на Џејн Остин, утврди дека 38% од родителите на момците сметаат дека финансиската сигурност на нивните синови зависи од пронаоѓањето на богата сопруга.

За сметка на тоа анкетата меѓу 1000 родители на осигурителната компанија "Scottish Widdows" покажало дека 32% од родителите на девојчињата сметаат дека тие треба да се омажат од финансиски причини. За разлика од времето во кое се развива дејството во романот на Џејн Остин, објавен на 28 јануари 1813 година, денешните родители сметаат дека жените можат сами да се справат во животот.

Околу 80% од родителите на ќерки делат мислење дека доброто образование и наоѓање на добра работа се најважни за постигнување на најголема финансиска сигурност во иднина.

"Во текот на 19-тиот век за девојките во класата на Елизабет Бенет работата би била социјална катастрофа. Но, денес девојките веќе немаат потреба од миразот, за да привлекуваат сопруг, тие имаат потреба од пари и студентски кредити за да се искачат на имотната стабилност и да добијат високо образование ", вели Џејн Хемфрис, професор по економска историја на Оксфордскиот универзитет.