Не очајувајте - истражување покажа дека паровите кои еден на друг не гледаат како идеалистички, подолго време остануваат заедно...

Истражувањето кое опфатило околу 800 лица во Америка, покажало дека партнерите со кои сме во брак или врска, се на прво место на листата на лица кои најмногу не нервираат, но и кои најмногу ги сакаме. Исто така, истражувањето покажало дека негативниот став кон партнерот со текот на годините се зголемува, но и дека тоа е нормален дел од партнерските односи кои не мора неминовно да доведе до разделба.

Значи, повремените негативни чувства кон партнерот не се знак за тревога, туку образец на најчесто однесување кај луѓето кои се во љубовна врска.

Секако, важно е за тоа да разговарате со партнерот и проблемите да не ги ставате "под тепих", затоа што и преку негативните облици на однесување врската може да напредува.

Среќните парови кои се обидуваат да останат такви по секоја цена, суштински не се среќни. Истражувањето покажало дека почесто се "распаѓаат" оние парови кои биле незадоволни но сепак никогаш не се расправале.

Значи, клучот за успешна врска е во отворениот разговор и позитивната критика. Немојте да молчите за тоа што ве мачи, ниту да ја префрлате вината на партнерот.

Критикувајте го партнерот и бидете подготвени да го слушнете и она што тој има да ви замери вам.