Караниците за тоа кој да готви и да исчисти по јадењето се едни од најчестите извори на тензии кај паровите, покажува британско истражување...

Само паричните проблеми водат до повеќе караници, а две третини од паровите се расправаат за распределба на домашните обврски најмалку еднаш неделно. Анкетата покажува дека една петтина од Британците познаваат двојка, која се кара редовно и дури е намуртена поради домашните обврски.

Мрзеливоста за готвење и чистење е вметната на второ место по лошата лична хигиена на листата на причини за прекин со партнерот или партнерката, покажува истражувањето на онлајн компанија за снабдување на храна во домовите "Just Eat". Рекорден број двојки поднеле барање за развод во јануари поради драмите поврзани со неверства, финансиски проблеми и времето поминато заедно за Божиќ.

Но, во анкетата меѓу 2000 Британци парите биле ставени на прво место меѓу причините кои водат до најмногу караници со 24%. 17% од испитаниците ги посочиле домашните задолженија. Жените се интересираат повеќе од мажите колку партнерот помага во домаќинството. Речиси една третина од анкетираните дами изјавиле дека би ја прекинале врската, ако партнерот никогаш не помрднува со прстот. Истиот процент рекле дека се јавуваат спорови за домашните обврски, при што кај 13% од претставничките на понежниот пол избувнува плач, а 9% излегуваат бесна од куќата. За разлика од нив, една третина од испитаниците изјавиле дека никогаш не се караат со партнерот.