Кога мажите се однесуваат како кавалери, жените стануваат - сомничави.

Убавото однесување денеска буди сомнеж, покажало истражување неодамна спроведено во Велика Британија. Резултатите покажале дека жените стануваат многу внимателни ако мажот е внимателен и љубезен, па дури 89% од нив не би прифатиле помош, при, да кажеме носењето на ќеси од шопинг.

Психолозите заклучиле дека жените станале сомничави затоа што во денешно време кавалерите се многу ретки.

Непријатност создаваат и постапки кои би требало да бидат вообичаени, да кажеме, кога мажот ќе и ја придржи вратата на девојката, или кога ќе и го понуди својот капут ако и е студено. Овие традиционални „витешки“ постапки во денешно време се толку ретки што жените веднаш се загрижуваат дека „работата не е баш чиста“.

Девојките повеќе не сонуваат за принц, туку сакаат да бидат самостојни и независни и во склоп со тоа и стандардите се смениле, па 82% од жените кои учествувале во анкетата изјавиле дека инсистираат на заедничко плаќање на сметката на првиот состанок, а дури 52% од испитаничките инсистираат тие сами да го платат целиот износ.

Резултатите покажале и дека нема никаква цел на дамата да и се нуди помош, затоа што 89% од жените не би прифатиле маж да им помогне ако носат тешки ќеси од продавница, да кажеме. Романтичниот гест кога мажот и го дава своето палто на девојката затоа што е студено има смисла уште само во филмовите: во реалноста 78% жени попрво би се смрзнале отколку да прифатат таква љубезност.

Изгледа дека заборавивме дека луѓето можат да бидат љубезни и убаво воспитани и без „скриени намери“...