Кај двата пола е воочено дека глумат тешко освоиви, но сепак постојат разлики. Жените глумат недостапност, а мажите незаинтересираност...

Жените кои глумат дека сте тешки за освојување или се навистина такви - всушност имаат добра стратегија. Тоа го потврди и најновото истражување кое го спровеле научниците од австралискиот универзитет Вестерн Сиднеј.

Научниците ги анализирале одговорите на луѓето од четири различни испитувања, а сите биле поврзани со партнерските односи. Воочено било дека мажите, а особено жените кои глумат дека се тешко освоиви, завршиле со поквалитетни партнери односно партнерки.

"Тешкото освојување е најчесто глумење. Ние сите би сакале да владее искреност во машко-женските односи, но тоа не е случај. Дури овде не можеме да кажеме дека станува збор за некоја тешка лага, луѓето всушност се снаоѓаат најдобро што можат за да најдат подобар партнер или партнерка", истакнал психологот Питер Џонсон, водич на истражувањето.

Кај двата пола е воочено дека глумат оти се тешки за освојување, но постојат разлики. На пример, жените не комуницираат и не сакаат својот животен распоред да го прилагодат кон мажот, односно глумат незаинтересираност. Мажите пак се груби, непристојни и ретко се јавуваат. Со други зборови, жените се прават недостапни, а мажите незаинтерсирани. Сепак, сето тоа е маска, затоа што во суштина и едните и другите сакаат љубов и квалитетна врска.