Неодамна сте се запознале и вие со нетрпение го очекувате неговиот прв телефонски повик? Не е седно кога ќе ве побара...

Повик за излегување во "5 до 12"
Ако во 20ч. ви се јави за да се видите во 21ч. значи дека не му е баш дојдено за да ве види, затоа што ве довел пред свршен чин, немате многу време за подготовка или треба да откажете нешто кое веќе сте го закажале. Заблагодарете му се љубезно и кажете му наредниот пат да ви се јави барем два, три часа порано.

Ве бара доцна навечер
Вие речиси сте подготвени за спиење, а тој ве бара да се видите пред "лека ноќ". Што мислите вие, што всушност сака тој? Дека сака да се извини? Сака подобро да ве запознае? Сигурно не. Кажете му дека во тоа време спиете, но дека утре во текот на денот со задоволство ќе се видите со него. Не откажувајте се веднаш, можеби бил го гужва па не успеал да ве побара.

Ви се јавува веднаш откако ќе се разделите
Само што сте се разделиле и тој веднаш се јавува, да ви каже дека си поминал прекрасно, дека сака уште малку да си позборувате или едноставно да ви го слушне гласот пред спиење. Би можело да се каже дека нему навистина му е грижа за вас. Изненадете го, побарајте го вие наредниот ден наутро.

Ве бара повеќе пати дневно
Ве бара да се договорите кога ќе се видите, потоа повторно за да ви каже што видел на ТВ или која песна ја слушнал, а потоа ве бара онака без причина? Тој или нема што да прави или е луд по вас.

Не се јавува со денови
Ако првиот повик следува после неколку денови откако сте биле на првото кафе, тој не е сигурен што сака со вас или пак тактизира. Во секој случај е незрел. Тоа не значи дека не треба да му пружите шанса, но не се препуштајте лесно.