Сексуалниот живот на многу парови пати затоа што еден од партнерите е малку посрамежлив, но крајно време е срамот да го оставите на страна и да тргнете во подобар сексуален живот...

Запалете го светлото
Сексот во мрак е романтичен, но сексот на светело понекогаш е многу подобар. Паровите кои постојано се скесаат во затемнета просторија често губат голем дел од страста и интимноста, а на мажите сексот на светло им е многу помил од оној во кој не ја гледаат партнерката. Ако се срамите од целулитот или некои други недостатоци кои ги имате, верувајте, мажите едвај ги забележуваат.

Барајте што сакате
Многу жени не уживаат во сексот бидејќи се плашат да го побараат тоа што го сакаат. Мислат дека момчето ќе ги гледа чудно, или уште полошо, ќе се посрамотат, а на ваков начин ја губат шансата за добар, квалитетен секс. Инсистирајте на она што го сакате, а ако момчето не сака да го исполни, размислете дали е за вас.

Прекинете го
Освен што често не го бараат она што го сакаат, жените често и не признаваат дека нешто не сакаат. Понекогаш се срамат да му признаат на момчето дека не им се допаѓа начинот на кој прават нешто, па трпат во надеж дека самиот ќе сфати. Ако не му кажете, осудени сте да трпите нешто што не сакате, а вашето момче сигурно ќе го промени тоа кога ќе знае како се чувствувате.

Дознајте што сакате
Никој не може да дознае што сакате во сексот додека вие самите не дознаете. Наместо да чекате вашето момче да ве допира насекаде и да открие каде и што ви се допаѓа, земете ја работата во свои раце.