Жените знаат дали мажот со кој излегле на состанок, е нивен потенцијален партнер 90 секунди по почетокот на првата средба, а мажите им даваат пет минути на дамите да ги импресионираат пред да одлучат дали сакаат да се видат повторно...

Сајтот за состаноци анкетирал над 2000 неженети мажи и жени кои имале барем една интимна средба во 2012 година. Истражувањето покажало дека жената знае дали ќе го види повторно мажот, со кого е излезена на состанок, само минута и половина по почетокот на средбата. Ова докажува дека мажите се трпелив пол, бидејќи тие им даваат пет минути на жените, за да ги освојат нивните срца.

Мажите и жените, сепак ценат сосема различни нешта во своите партнери. За жените карактерот е главен фактор, бидејќи 41% изјавиле дека токму тој одредува дали ќе се одлучат да излезат на втора средба. Само 28% од мажите изјавиле дека карактерот е одлучувачки фактор, а цели 52% од анкетираните претставници на посилниот пол го посочиле изгледот како главна причина за втора средба во однос на 37% од жените.

Над 2/5 од учесниците во истражувањето изјавиле дека редовно користат сајтови за онлајн состаноци, но само 24% навеле дека ги договориле сите свои интимни средби онлајн. 31% изјавиле дека ниту една од средбите не им била договорена преку сајт за состаноци.