Иако сексот во филмовите речиси секогаш е совршен, без дополнителни мириси или звуци, стварноста е нешто поразлична. Авторката на бројни книги на тема брак и сексуалност Џени Блок советува: заборавете на непријатните моменти и продолжете понатаму...

Невозможна положба
Гледавте нов порно филм или сте ја пронаше Кама Сутра на таван? Некогаш, дури ни со најголема волја не оди. Моментот во кој ќе сфатите дека партнерката сте ја заврзале во комлициран чвор, и дека ниту вие самите во таа поза не можете да ја завршите играта - препишете го тоа на своето неискуство. Како и да е, нека не ве обезхрабри тоа за некои нови обиди.

Претеравте
Се сеќавата на епизодата од "Пријатели" во која Чендлер на Моника ја удри по задникот, а таа го праша: "Дали ти само што ме удри по задникот?" Ваквите ситуации се можни во моменти кога го проширувате репертоарот. Избегнете ги можните непријатности со разговор и кажете што би сакале да пробате. Ако сепак во "жарот на играта" успеете да ја шокирате партнерката или партнерот, "правете се луди". Всушност ако нема ризик, нема профит.

Фатени на дело
Да, и тоа се случува. Можеби детето имало кошмар или свекрвата никако не може да запамети во која соба спијат гостите. И што сега? Ни за жива глава немојте да кажете: "Не е она што мислиш дека е!" Единствено што можете да направите е да се насмевнете. Вашата свекрва сигурно не очекува да спиете одделно, а децата, веројатно знаат што мама и тато прават во соба. Ако не знаат, нека тоа биде повод за разговор во природа и друштво.

Вагинален ветар
Вагинален ветар е токму тоа што го слушате, само малку полош од оној на вашиот брат. Единствена предност е тоа што е безмирисен. Најчесто се работи за воздух кој е втиснат во женското тело во текот на сексот. Но, што е тука е. Правете се како ништо да не се случило. Тоа сепак е нормалана работа.